U Rasii mianiajuć hubiernataraŭ adrazu dvuch pamiežnych z Ukrainaj rehijonaŭ
Svaje pasady pakidajuć hubiernatary Biełharadskaj i Branskaj abłaściej.
Viačasłaŭ Hładkoŭ
Kiraŭnik Biełharadskaj vobłaści Viačasłaŭ Hładkoŭ padaŭ zajavu ab daterminovym spynieńni paŭnamoctvaŭ. Uładzimir Pucin pryniaŭ jaho adstaŭku i pryznačyŭ vykanaŭcam abaviazkaŭ hubiernatara Alaksandra Šuvajeva — namieśnika kiraŭnika Irkuckaj vobłaści i ŭdzielnika vajny z Ukrainaj.
Taksama idzie sa svajoj pasady hubiernatar Branskaj vobłaści Alaksandr Bahamaz. Časova kiravać rehijonam budzie Jahor Kavalčuk.
Čutki pra mahčymuju adstaŭku Hładkova źjavilisia jašče niekalki tydniaŭ tamu. Pavodle krynicy vydańnia «Viedomosti», blizkaj da administracyi prezidenta Rasii, u rehijonie pahoršylisia jakaść žyćcia i ŭzrovień padtrymki ŭłady, tamu ŭ Kramli mahli paličyć metazhodnaj zamienu kiraŭnictva.
U siaredzinie krasavika Hładkoŭ pajšoŭ u dvuchtydniovy adpačynak, jaki paśla byŭ praciahnuty. Siońnia jon, adnak, kamientavaŭ avaryju na čyhuncy, jakaja adbyłasia ŭ vyniku padzieńnia rasijskaj bomby.
Čytajcie taksama:
Avaryju na čyhuncy ŭ Biełharadskaj vobłaści spravakavała rasijskaja bomba
Pad Biełharadam elektryčka syšła z rejek — mahčyma, praz padryŭ puciej
Dron udaryŭ pa elektrapadstancyi ŭ Biełharadzie. Častka horada zastałasia bieź śviatła