Tramp i Si Czińpiń pačali pieramovy ŭ Piekinie
Jany buduć doŭžycca dva dni, baki abmiarkujuć šerah składanych pytańniaŭ, u tym liku technałohii, handal i Tajvań, piša CNN.
Heta pieršy za dzieviać hadoŭ dziaržaŭny vizit amierykanskaha lidara ŭ Kitaj.
«Dla mianie heta vialiki honar. U nas skłalisia vydatnyja adnosiny. My zaŭsiody znachodzili ahulnuju movu. Kali ŭźnikali ciažkaści, my vyrašali ich razam. Ja moh patelefanavać vam, vy mahli patelefanavać mnie — i kožny raz, kali ŭźnikała prablema, pra jakuju ludzi navat nie viedajuć, my vielmi chutka znachodzili rašeńnie», — skazaŭ Tramp.
Si Czińpin padkreśliŭ, što dačynieńni Kitaja i ZŠA pavinny budavacca na ŭzajemnaj vyhadzie, a supraćstajańnie pryviadzie da škody dla abodvuch bakoŭ. Pavodle jaho słoŭ, treba stvarać novuju madel adnosin.
Mir u Tajvańskim pralivie źjaŭlajecca klučavym faktaram u dačynieńniach KNR i ZŠA, zajaviŭ Si Czińpin.