Samy darahi katedž u Minsku ŭ krasaviku pradali za 360 tysiač dalaraŭ
Jon znachodzicca ŭ pryvatnym siektary za mikrarajonam «Levada». Płošča adnapaviarchovaha budynka składaje 144 kv. m, piša Realt.by.
Pa canie staličny lidar sastupiŭ nieruchomaści za MKAD. Nahadajem, status samaha darahoha doma pa vynikach krasavika ŭ Biełarusi atrymaŭ cahlany katedž u vioscy Sasnovaja Smalavickaha rajona (tak zvanaja «IT-vioska»). Abjekt płoščaj 591 kv. m pradali za $3,6 młn — heta ŭ 10 razoŭ bolš, čym addali za dom u Zacani.
Lidar minskaha siektara pryvatnych damoŭ adstaŭ pa canie i ad kvaternaha siehmienta. U krasaviku status samaha darahoha žylla ŭ Minsku atrymała «dvuška» płoščaj 123 kv. m u lehiendarnym «domie Čyža» na vuł. Staražoŭskaj. Za jaje novy ŭładalnik zapłaciŭ amal $523,8 tys., što na $163,8 tys. daražej za katedž u Zacani.