Słavakija asudziła rasijskija ŭdary pa Ukrainie
Pra heta ŭ čaćvier zajaviŭ ministr zamiežnych spraŭ Słavakii Juraj Błanar.
«Słavakija asudžaje ŭčarašnija i siońniašnija masavanyja avijaŭdary Rasii pa terytoryi Ukrainy, jakija dasiahnuli Užharada ŭ Zakarpaćci, niedaloka ad miažy sa Słavakijaj, dzie taksama pražyvaje značnaja słavackaja mienšaść», — havorycca ŭ zajavie Błanara, jakuju cytuje ahienctva Reuters.
Słavakija ŭ asobie svajho premjer-ministra Robierta Fica padtrymlivaje suviazi z Maskvoj, sam Fica naviedvaŭ Maskvu 9 maja.
U chodzie siońniašniaha ŭdaru pa Kijevie zahinuli jak minimum piać čałaviek, 40 paciarpieli.