Iranskuju studentku aryštavali ŭ Biełarusi za kamientary
Jana kamientavała padziei ŭ Iranie.
Fota: Manolo.tv
Studentku-stamatołaha ź Irana Chatere Chadadadzi zatrymali ŭ Biełarusi za kamientary pra Iran u adnym z telehram-kanałaŭ, paviedamlaje Reform.news sa spasyłkaj na bazavany ŭ Łondanie iranski telekanał ManotoTV.
Pavodle infarmacyi telekanała, Chatere Chadadadzi była zatrymanaja pry ŭmiašańni pasolstva Irana ŭ Biełarusi i atrymała 14 sutak aryštu.
«Pavodle słoŭ jaje blizkich, jana pavinna była vyjści na volu 30 krasavika, adnak dahetul zastajecca pad vartaj, a jaje status navučańnia i znachodžańnia zastajecca niavyznačanym. Taksama paviedamlajecca, što padčas utrymańnia pad vartaj jana była pazbaŭlenaja dostupu da advakata i mahčymaści źviazacca ź siabrami», — paviedamlaje telekanał.
Chatere Chadadadzi vučycca na miedycynskim fakultecie zamiežnych navučencaŭ Biełaruskaha dziaržaŭnaha miedycynskaha ŭniviersiteta. Jana była zajaŭlenaja jak udzielnica studenckaj kanfierencyi ŭ Minsku 29—30 krasavika z pracaj «Biełaśniežnaja ŭśmieška — dar pryrody ci dasiahnieńnie miedycyny?».