Ukrainskija pažarniki łakalizavali lasnyja pažary kala miažy ź Biełaruśsiu

Va Ukrainie ratavalnikam udałosia łakalizavać maštabnyja lasnyja pažary ŭ pamiežnych ź Biełaruśsiu rajonach. Najbolš składanaja situacyja była ŭ zaminavanych miescach, dzie tušyć ahoń było asabliva niebiaśpiečna.

Skrynšot ź videa

U Dziaržaŭnaj słužbie pa nadzvyčajnych situacyjach Ukrainy paviedamili, što ahoń achapiŭ terytoryi ŭ Rovienskaj, Žytomirskaj, Čarnihaŭskaj, Kijeŭskaj abłaściach, a taksama na Zakarpaćci. U peŭny momant ahulnaja płošča pažaraŭ pieravysiła try tysiačy hiektaraŭ.

Ciapier pažary na Zakarpaćci i ŭ Rovienskaj vobłaści ŭžo patušyli, a ŭ Žytomirskaj, Kijeŭskaj i Čarnihaŭskaj abłaściach ahoń udałosia łakalizavać.

Pa słovach ratavalnikaŭ, praca ŭskładniałasia nie tolki minavańniem terytoryj, ale i vielmi vysokaj tempieraturaj. Z-za śpioki zaharelisia dva pažarnyja aŭtamabili, adnak jašče piać mašyn udałosia vyratavać.

Pažary ŭ Čarnobylskaj zonie pačalisia 8 maja paśla vybuchaŭ rasijskich dronaŭ. Mocny viecier chutka raspaŭsiudžvaŭ ahoń. Asiarodki pažaraŭ znachodzilisia niedaloka ad biełaruskaj miažy.

Śpiecyjalisty nahadvajuć, što padčas hareńnia ŭ Čarnobylskaj zonie ŭ pavietra mohuć traplać radyjeaktyŭnyja rečyvy, jakija zastalisia paśla avaryi 1986 hoda. Viecier moža pieranosić zabrudžanaje pavietra i na terytoryju susiednich krain, u tym liku Biełarusi.

Kamientary da artykuła