U Śviacku pad Hrodnam adkryli rekanstrujavanyja zały ŭ miascovym pałacy. Na adkryćcio pryvieźli kiraŭnicu rasijskaha Centrabanka

U pałacava-parkavym kompleksie «Vialiki Śviack Vałovičaŭ», jaki znachodzicca niedaloka ad Hrodna, paśla rekanstrukcyi adkryli dla turystaŭ novyja zały. Uračystaje adkryćcio prajšło z udziełam kiraŭnika Nacbanka Biełarusi Ramana Hałoŭčanki i staršyni Centrabanka Rasii Elviry Nabiulinaj, piša Times.by.

Elvira Nabiulina i Raman Hałoŭčanka. Fota: Times.by

Adnaŭleńnie histaryčnaha kompleksu pravodzicca pry padtrymcy i finansavańni Nacyjanalnaha banka Biełarusi. Pomnik architektury i sadova-parkavaha mastactva XVIII—XIX stahodździaŭ pastupova viartaje svoj histaryčny vyhlad.

U restaŭracyi rośpisaŭ i interjeraŭ udzielničali studenty Biełaruskaj dziaržaŭnaj akademii mastactvaŭ. Razam z prafiesijnymi majstrami jany adnaŭlali naścienny žyvapis i dekaratyŭnyja arnamienty.

Fota: Times.by

Fota: Times.by

Siońnia kompleks užo nazyvajuć adnym z turystyčnych simvałaŭ Hrodzienščyny. Raniej tut adkryli hatel, restaran i brovar. U budučyni płanujuć stvaryć muziej, adnavić histaryčnyja interjery, napoŭnić pałac staradaŭniaj meblaj i rarytetnymi rečami, a taksama raźvivać spa-kompleks.

Fota: Times.by

Fota: Times.by

Budaŭnictva pałaca pačałosia ŭ 1779 hodzie pa inicyjatyvie hrodzienskaha maršałka Juzafa Vałoviča. Prajekt raspracavaŭ italjanski architektar Džuzepe Saka. U architektury pałaca spałučajucca rysy baroka, kłasicyzmu i ramantyzmu. Paśla śmierci Juzafa Vałoviča budaŭnictva praciahnuŭ jaho syn Antonij. Pałac staŭ hałoŭnaj rezidencyjaj viadomaha rodu Vałovičaŭ.

Fota: Times.by

Fota: Times.by

Kamientary da artykuła