Pad Mahilovam bajkier ulacieŭ na trasie ŭ łasia
U Mahiloŭskim rajonie matacyklist paciarpieŭ u avaryi z łasiom. DTZ adbyłosia ranicaj 14 maja na kalcavoj aŭtadarozie M15 kala vioski Hałyniec.
Fota: UDAI UUS Mahiloŭskaha abłvykankama
Pavodle infarmacyi DAI, 42‑hadovy miascovy žychar na matacykle Yamaha sutyknuŭsia z łasiom, jaki niečakana vybieh na prajeznuju častku.
U vyniku avaryi matacyklist atrymaŭ traŭmy. Jaho dastavili ŭ balnicu dla abśledavańnia. Pa fakcie zdareńnia pravodzicca pravierka, vyśviatlajucca ŭsie abstaviny.
U DAI nahadvajuć kiroŭcam, što pry źjaŭleńni dzikich žyvioł kala darohi nieabchodna maksimalna źnižać chutkaść, až da poŭnaha spynieńnia.