U 102 hady pamierła ŭdava viadomaha rasijskaha paeta

14 maja va ŭzroście 102 hady pamierła piśmieńnica, mastactvaznaŭca i ŭdava paeta Andreja Vaźniasienskaha Zoja Bahusłaŭskaja. Pra heta paviedamili ŭ Centry Vaźniasienskaha ŭ Maskvie.

Zoja Bahusłaŭskaja

U centry adznačyli, što jana surjozna nie chvareła, a śmierć była źviazanaja z uzrostam. Tam taksama nazvali Bahusłaŭskuju «muzaj» i simvałam cełaj epochi.

Zoja Bahusłaŭskaja była viadomaja nie tolki jak piśmieńnica, ale i jak aktyŭnaja dziejačka kultury. Jana zasnavała Asacyjacyju žančyn-piśmieńnic u Rasii, a paźniej — mižnarodnuju arhanizacyju ŭ Paryžy. Jaje tvory vydavalisia ŭ viadomych litaraturnych časopisach, pierakładalisia na roznyja movy, a pavodle jaje pjes stavili śpiektakli.

Z Andrejem Vaźniasienskim jana pražyła 46 hadoŭ — da samaj śmierci paeta ŭ 2010 hodzie. Ličycca, što mienavita joj była pryśviečana znakamitaja paema «Oza».

Kamientary da artykuła