Pry kupli patrymanaha aŭto prachodzić novy techahlad bolš nie treba
U Biełarusi źmianili niekatoryja praviły prachodžańnia techahladu transpartu, paviedamiła pres-słužba ŭrada.
Zdymak ilustracyjny. Fota sa staronki błohiera Dzianisa Blišča
Najbolš istotnaje novaŭviadzieńnie — ciapier pry kupli patrymanaha aŭtamabila nie treba budzie paŭtorna prachodzić techahlad, kali na mašynu ŭžo jość dziejny dazvoł na dopusk da ŭdziełu ŭ darožnym ruchu. Heta značyć, što novy ŭładalnik zmoža karystacca aŭto biez dadatkovaj pracedury pravierki.
Taksama źmianili arhanizacyju, jakaja budzie vydavać dazvoły dla pracy dyjahnastyčnych stancyj — hetyja funkcyi pieradajucca Transpartnaj inśpiekcyi Ministerstva transpartu i kamunikacyj.
Akramia hetaha, skasoŭvajucca abmiežavańni pa pieraliku jurydyčnych asob, jakija mohuć pravodzić vyprabavańni śpiecyjalnaha transpartu, naprykład refryžerataraŭ i izatermičnych furhonaŭ.
U dakumiencie taksama źmiaščajucca inšyja techničnyja i arhanizacyjnyja źmieny ŭ sistemie techahladu.
Čytajcie taksama:
U «Biełtechahladzie» raskazali, na što čaściej za ŭsio chvarejuć elektrakary
U Polščy lehalizujuć 8 tysiač biełaruskich traktaroŭ
Techahlad u Biełarusi ciapier možna budzie padaryć
Novyja kamiery ŭ Minskaj vobłaści ciapier vyvodziać parušeńni i numar aŭto na tabło na trasie