Zialenski: Rasija ŭdaryła pa domie ŭ Kijevie zusim novaj rakietaj X-101. Značyć, kampanienty zavoziacca
Pavodle papiarednich danych, u dom u Kijevie paceliła kryłataja rakieta X-101, vyrablenaja ŭ druhim kvartale hetaha hoda, paviedamiŭ u svaim viačernim zvarocie prezident Ukrainy Uładzimir Zialenski.
Uładzimir Zialenski. Fota: Sean Gallup / Getty Images
«Detalova vyśviatlajem, jakuju mienavita zbroju — jakija mienavita rakiety i drony — rasijanie vykarystoŭvali hetym razam. U Kijevie pa domie, pavodle papiarednich danych, było traplańnie rakiety X-101. Vytvorčaść — druhi kvartał hetaha hoda. I heta aznačaje, što kampanienty dla vytvorčaści rakiet, nieabchodnyja resursy i abstalavańnie Rasija ŭ abychod hłabalnych sankcyj usio jašče zavozić», — skazaŭ Zialenski.
Jon padkreśliŭ, što spynieńnie rasijskich schiem abychodu sankcyj pavinna być realnaj metaj usich partnioraŭ.
«My rychtujem kroki, jakija mohuć aktyvizavać naša ahulnaje supraćdziejańnie: sankcyi pavinny być bolš balučyja dla Rasii», — adznačyŭ prezident Ukrainy.
Tym časam kolkaść achviar siońniašniaha rasijskaha ŭdaru pa Kijevie vyrasła da 12 čałaviek.