U Baranavičach mužčyna žorstka zabiŭ ułasnuju maci
U Baranavičach pad vartu ŭziali 49‑hadovaha mužčynu, jakoha abvinavačvajuć u zabojstvie ŭłasnaj maci, paviedamlaje pres-słužba Hienieralnaj prakuratury.
Zdymak ilustracyjny. Fota: magnific.com
Pavodle infarmacyi śledstva, trahiedyja adbyłasia doma padčas kanfliktu. Mužčyna nibyta nanios pažyłoj žančynie nie mienš za 20 udaraŭ nažom u roznyja častki cieła, u tym liku ŭ hałavu i šyju. Ad atrymanych ranieńniaŭ jana pamierła na miescy.
Śledčyja ličać, što zabojstva było ździejśniena z asablivaj žorstkaściu.
Paviedamlajecca, što padazravany złoŭžyvaŭ ałkaholem, stajaŭ na ŭliku ŭ narkołaha i raniej nakiroŭvaŭsia ŭ lačebna-pracoŭny prafiłaktoryj. Pavodle źviestak śledstva, mužčyna doŭhi čas nie pracavaŭ i žyŭ za košt maci-piensijanierki.
Za takoje złačynstva zakanadaŭstva Biełarusi praduhledžvaje da 25 hadoŭ pazbaŭleńnia voli, pažyćciovaje źniavoleńnie abo śmiarotnaje pakarańnie.
Čytajcie taksama:
«Nie paznała svajo dzicia». U Homieli biazdomnyja sabaki pakusali 11‑hadovuju dziaŭčynku
Žančyna zabiła sužyciela i naradziła dziaŭčynku. Babula pa baćkavaj linii damahłasia apieki
U Mazyry šmatdzietnaja maci dva hady dahladała invalida, a paśla zabiła jaho