Daradca premjera Litvy: Nijakich pieramoŭ pra tranzit biełaruskich uhnajeńniaŭ praź Litvu nie viadziecca
U adkaz na zajavu ministra zamiežnych spraŭ pra toje, što administracyja ZŠA prajaŭlaje «pavyšanuju aktyŭnaść» u pytańni adnaŭleńnia tranzitu biełaruskich uhnajeńniaŭ, jakija znachodziacca pad sankcyjami ES, praź Litvu, daradca Inhy Ruhinienie znoŭ padkreśliŭ, što nijakich pieramoŭ pa hetym pytańni nie viadziecca, piša Delfi.lt.
Fota: Lookby.Media
«Pazicyja Litvy zastajecca jasnaj i paśladoŭnaj — my prytrymlivajemsia i padtrymlivajem sankcyi Jeŭrapiejskaha sajuza suprać Biełarusi. Va ŭmovach dziejnych sankcyj ES pytańnie tranzitu ŭhnajeńniaŭ abmiarkoŭvacca nie moža», — zajaviŭ Ihnas Dabravolskas.
«My ŭdziačnyja ZŠA za ich namahańni pa akazańni dapamohi ŭ vyrašeńni pytańniaŭ pa Biełarusi ŭ takich śfierach, jak ruch fur, incydenty z pavietranymi šarami i vyzvaleńnie palityčnych źniavolenych. Adnak nijakich pieramoŭ pra tranzit biełaruskich uhnajeńniaŭ praź Litvu nie viadziecca», — dadaŭ daradca.