«Vialiki brat» budzie sačyć i za ludźmi na plažy Cnianskaha vadaschovišča
U Minsku na stancyi Tavarystva vyratavańnia na vodach «Cnianskaja» ratavalniki razam z pradstaŭnikami PVT źbirajucca ŭkaraniać štučny intelekt. Pra heta paviedamiŭ staršynia tavarystva Andrej Čarniaŭski, piša BiełTA.
Pavodle jaho słoŭ, vyratavalnaja stancyja «Cnianskaja» abranaja dla ekśpierymientu nie vypadkova: heta papularnaje ŭ adpačyvalnikaŭ miesca. Ciapier tam užo ŭstaloŭvajecca prahramnaje zabieśpiačeńnie dla raspracoŭki prahramy.
Płanujecca stvaryć takoje PZ, kab sihnały biedstva ad čałavieka, jaki tonie, adrazu pastupali na post.
Anałahaŭ takoj prahramy ŭ śviecie pakul niama. Na praciahu troch miesiacaŭ ratavalniki buduć adpracoŭvać praktyku razam sa śpiecyjalistami Parka vysokich technałohij.