U Polščy zatrymali jašče savieckaha «złodzieja ŭ zakonie»
U Polščy zatrymali 79‑hadovaha hramadzianina Rasii, jakoha śpiecsłužby ličać savieckim «złodziejem u zakonie». Apieracyja prajšła naprykancy krasavika ŭ Mazavieckim vajavodstvie pry ŭdziele palicyi, słužby biaśpieki i pamiežnikaŭ, piša Euronews.
Fota: x.com/CBSPolicji
Pa materyjałach śledstva, mužčyna moh kiravać dziejnaściu złačynnaj hrupoŭki na terytoryi Polščy, u tym liku arhanizoŭvać złačynstvy i kantralavać raźmierkavańnie atrymanych hrošaj. Polskija ŭłady śćviardžajuć, što jon mieŭ status «złodzieja ŭ zakonie» jašče z 1982 hoda i zajmaŭsia nahladam za padkantrolnymi kryminalnymi strukturami.
Taksama paviedamlajecca, što mužčynu šukaŭ Interpał.
Z-za adsutnaści ŭ zatrymanaha dziejnaha pašparta sud nakiravaŭ jaho ŭ śpiecyjalny centr dla inšaziemcaŭ pad achovaj. Polskija ŭłady płanujuć departavać jaho ŭ Rasiju, ale zrabić heta zmohuć tolki paśla aficyjnaha paćviardžeńnia asoby.
Čytajcie taksama:
Samy karykaturny złodziej Słonima skončyŭ svoj šlach u miasnym šturmie na Danbasie