Rybak u Lelčyckim rajonie złaviŭ hihanckaha soma VIDEA

Mužčyna rybačyŭ na race Ubarć u Lelčyckim rajonie. Pra svoj trafiej jon raskazaŭ u instahramie, zaŭvažyli «Mocnyja naviny».

Skrynšot ź videa

Pa słovach rybaka, u tym miescy, dzie jon vudziŭ, vialiki som nieadnarazova zryvaŭ prynady i łamaŭ snaści. Tamu rybak pastaviŭ sabie metu — usio ž złavić hetuju bujnuju rybu.

Jon rybačyŭ piać dzion, sprabujučy roznyja prynady i vudy. Narešcie adbyŭsia doŭhačakany kloŭ. Baraćba z somam praciahvałasia kala hadziny.

Vyciahnuć rybinu samastojna akazałasia składana, tamu mužčyna vyklikaŭ na dapamohu tavaryša. Pakul toj jechaŭ, ruki ŭžo mocna stamilisia, ale rybak nie adpuściŭ zdabyču.

U vyniku som akazaŭsia kala dvuch mietraŭ u daŭžyniu i prykładna 30 kiłahramaŭ vahoj. Što stałasia z rybinaj dalej, nie paviedamlajecca.

Kamientary da artykuła