Biełaruś stała hałoŭnym kanałam dla ŭvozu impartnaha piva ŭ Rasiju
Za studzień—krasavik 2026 hoda praź Biełaruś u Rasiju ŭvieźli bolš za 60% usiaho impartnaha piva. Pra heta paviedamili ŭ rasijskim Sajuzie vytvorcaŭ kańjaku, śpirtu i ałkaholnaj pradukcyi, piša thinktanks.pro.
Zdymak ilustracyjny. Fota: magnific.com
Usiaho za pieršyja čatyry miesiacy hoda impart piva i piŭnych napojaŭ u Rasiju skłaŭ 135 miljonaŭ litraŭ. Ź ich 81 miljon litraŭ prypaŭ na Biełaruś. U paraŭnańni z anałahičnym pieryjadam minułaha hoda pastaŭki vyraśli na 167%.
Taki rost źviazany z roźnicaj u mytnych pošlinach. Dla «niedružalubnych krain» Rasija sa studzienia 2025 hoda pavysiła pošliny na impartnaje piva ŭ 10 razoŭ — z 0,1 jeŭra da 1 jeŭra za litr. Paźniej staŭka vyrasła da 1,5 jeŭra za litr.
Pry hetym dla krain JEAES, kudy ŭvachodzić Biełaruś, dziejničajuć značna nižejšyja pošliny — ad 0,018 da 0,04 jeŭra za litr. Tamu impartnaje piva z trecich krain zaraz masava idzie ŭ Rasiju praź Biełaruś. A pramyja pastaŭki z Hiermanii i Čechii praktyčna spynilisia.
U top-5 krain, praź jakija ŭ Rasiju pastupaje impartnaje piva, taksama ŭvachodziać Kitaj, AAE, Kazachstan i Armienija.
Čytajcie taksama:
Jakomu ałkaholu addajuć pieravahu spažyŭcy ŭ roznych krainach
Čamu ŭ Biełarusi piva raźlivajuć u płastykavyja butelki, a ŭ Jeŭropie bolš u škło i blašanki
Niamieckija navukoŭcy: piva bahataje na vitamin B6, u tym liku i biezałkaholnaje