U Minsku źjaviłasia novaja haradskaja skulptura — z rybakom, palaŭničym, katom i sabakam

U Minsku stała na adnu haradskuju skulpturu bolš. Na Łahojskim trakcie, 5, kala budynka Biełaruskaha tavarystva palaŭničych i rybałovaŭ adkryli kampazicyju «Sustreča siabroŭ», piša vydańnie «Smartpres».

Kali nie viedać kantekstu, to možna padumać, što heta prosta kampanija starych znajomych: rybak, palaŭničy, kot i sabaka sabralisia niedzie paśla ŭdałaha dnia. Ale ŭ skulptury jość i simvaličny sens. Naprykład, sabaka — heta biełaruski hančak, adzinaja nacyjanalnaja paroda Biełarusi. Pryčym upieršyniu adlitaja ŭ bronzie.

Fihury palaŭničaha, rybałova i kata — zbornyja vobrazy biez kankretnych pratatypaŭ.

Vyšynia kampazicyi razam z pastamientam — 2 mietry 15 santymietraŭ, šyrynia — bolš za try mietry. Aŭtary skulptury Kaciaryna Zantaryja i Palina Bahdanava, architektar prajekta — Juryj Hradaŭ.

Adkryćcio prymierkavali da 105‑hodździa Biełaruskaha tavarystva palaŭničych i rybałovaŭ. Na cyrymonii prysutničali pradstaŭniki profilnych viedamstvaŭ, u tym liku ministr lasnoj haspadarki Vital Kulik.

Kamientary da artykuła