Biełaruskija chirurhi praviali paśpiachovuju dystancyjnuju apieracyju. Pacyjent byŭ za 6 tysiač kiłamietraŭ
Biełaruskija i kitajskija chirurhi praviali paśpiachovuju dystancyjnuju apieracyju pa vydaleńni častki piečani. Pacyjent znachodziŭsia ŭ Kitai, prykładna za šeść tysiač kiłamietraŭ ad miedykaŭ, jakija kiravali pracesam ź Minska.
Apieracyju vykanali z apieracyjnaj Minskaha navukova-praktyčnaha centra chirurhii, transpłantałohii i hiematałohii. Sam pacyjent u hety čas byŭ u balnicy ŭ Kitai.
Chirurhičnaj bryhadaj u Minsku kiravali kiraŭnik centra Aleh Rumo i kitajski prafiesar Li Čžejun. Padčas umiašańnia vykarystoŭvali rabatyzavany kompleks Medbot, jaki prymianiajecca ŭ sučasnaj ankałahičnaj i chirurhičnaj praktycy.
Biełaruskija śpiecyjalisty raniej prachodzili stažyroŭku ŭ Kitai, kab navučycca pracavać z takoj technikaj.
Pavodle Aleha Rumo, heta stała pieršym krokam u raźvićci anłajn-chirurhii ŭ Biełarusi. Važnuju rolu ŭ apieracyi adyhrali nadziejnaja suviaź i technałohii, jakija dazvolili pieradavać danyja ŭ režymie realnaha času.
U budučyni padobnyja apieracyi płanujuć pravodzić i ŭnutry krainy: chirurhi buduć pracavać ź Minska, a pacyjenty — znachodzicca ŭ rehijanalnych balnicach, dzie ŭstalujuć adpaviednyja rabatyzavanyja sistemy.
Čytajcie taksama:
Minskija chirurhi dziesiać hadzin vyrazali składanuju puchlinu maładomu čałavieku
U Barysavie pačali pravodzić apieracyi pa pavieličeńni hrudziej — u suviazi z Hodam žančyny
«Tysiaču dalaraŭ za miesiac — realna». Kolki ciapier zarablajuć miedyki ŭ Biełarusi?