Učora płatforma dla hałasavańnia na vybarach u KR nie pracavała vosiem hadzin
15 traŭnia płatforma dla hałasavańnia ŭ Kaardynacyjnuju radu była niedastupnaja bolš za 8 hadzin. Pra heta paviedamiła kiraŭnica vybarčaj kamisii Alena Prychodźka.
«Pavažanyja vybarščyki, dziakuj kožnamu, chto zastajecca razam i robić svoj vybar navat u takich składanych umovach. Vaš hołas maje značeńnie», — paviedamiła Alena Prychodźka.
Udzieł u vybarach u KR čaćviortaha sklikańnia biaruć dzieviać błokaŭ (172 čałavieki). Kab prajści ŭ KR, treba nabrać try pracenty.
Na 07:30 suboty ŭdzieł u vybarach uziali 1174 čałavieki. Hałasavańnie praciahnuta da 12:00 aŭtorka.