Tramp abviaściŭ pra źniščeńnie «najbolš aktyŭnaha terarysta ŭ śviecie»
Apieracyja była praviedziena hetaj nočču pa asabistym zahadzie prezidenta ZŠA.
Amierykanskija i nihieryjskija ŭzbrojenyja siły likvidavali Abu-Biłała al-Minuki — druhuju asobu ŭ hłabalnaj ijerarchii «Isłamskaj dziaržavy» Pra heta abviaściŭ u svajoj sacsietcy prezident ZŠA Donald Tramp, nazvaŭšy jaho «najbolš aktyŭnym terarystam u śviecie».
Tramp paviedamiŭ, što apieracyja była praviedziena hetaj nočču pa jaho asabistym zahadzie. Jon nazvaŭ jaje «biezdakorna vykananaj, staranna spłanavanaj i vielmi składanaj». Al-Minuki chavaŭsia ŭ Afrycy, adnak amierykanskija śpiecsłužby adsočvali jaho pieramiaščeńni praz ułasnyja krynicy.
Pavodle słoŭ Trampa, sa śmierciu al-Minuki «hłabalnyja apieracyi IDIŁ značna asłablenyja». Prezident padziakavaŭ uradu Nihieryi za partniorstva. Likvidacyja adbyłasia na fonie aktyŭnaj baraćby ZŠA z terarystyčnymi hrupoŭkami ŭ Afrycy.