U niebie nad Bresckaj vobłaściu budzie lotać bolš dronaŭ
U Bresckaj vobłaści płanujuć abstalavać usie rajonnyja elektrasietki dronami dla kantrolu pavietranych linij elektrapieradačy, paviedamlaje BiełTA.
Fota: «Brestenierha»
Pavodle infarmacyi «Brestenierha», da kanca hoda zakupiać jašče 29 bieśpiłotnych kompleksaŭ. Zaraz u rehijonie ŭžo vykarystoŭvajucca čatyry drony, jakija pracujuć u Baranavičach, Breście i Pinsku.
Bieśpiłotniki vykarystoŭvajuć dla ahladu linij napružańniem ad 0,4 da 330 kV. Jany dapamahajuć znachodzić paškodžańni izalacyi i pravadoŭ, jakija ciažka zaŭvažyć ź ziamli. Taksama drony dazvalajuć ahladać ciažkadastupnyja miescy — bałoty, pali i inšyja składanyja ŭčastki.
Akramia taho, vykarystańnie dronaŭ dazvalaje aščadzić čas i srodki, bo nie patrabujecca adklučać linii i padymać rabotnikaŭ na apory.
Śpiecyjalisty adznačajuć, što praca ź bieśpiłotnikami patrabuje ŭliku nadvorja, bo viecier ci doždž mohuć paŭpłyvać na paloty.
Drony vykarystoŭvajuć jak dla pošuku pryčyn avaryj, tak i pry płanavańni ramontaŭ i kantroli vykananych rabot.
Čytajcie taksama:
U minskaj Kamiennaj Horcy adkryli bujny chab chutkaj zaradki elektramabilaŭ
Na navapołackim «Palimiry» papiaredzili, što zaŭtra ź jaho budzie valić čorny dym