Mir i Niaśviž pieranasyčanyja turystami. Va ŭsim vinavatyja błohiery i sacyjalnyja sietki

Kiraŭnik Respublikanskaha sajuza turystyčnaj industryi Filip Huły ŭ efiry telekanała ANT kanstatavaŭ pierahružanaść topavych słavutaściaŭ krainy praz upłyŭ, na jahonuju dumku, błahaśfiery i sacyjalnych sietak.

Mirski zamak. Fota: «Naša Niva»

Filip Huły adznačyŭ, što pakul kala zamkaŭ u Miry i Niaśvižy, a taksama ŭ Breście i Hrodnie vystrojvajucca čerhi, za dziesiatki kiłamietraŭ ad ich, maŭlaŭ, niezasłužana zastajucca pa-za ŭvahaj nie mienš cikavyja i pryvabnyja łakacyi.

«Toje, što na słychu, zaŭsiody budzie papularnym. I, na vialiki žal, zaŭsiody budzie pieranasyčana patokami. Mahčyma, pobač, za dziesiatki kiłamietraŭ, jość nie mienš cikavyja miescy, ale top zaŭsiody pryciahvaje. Tamu što va ŭsich jość mabilnyja telefony.

Usie vykidajuć infarmacyju ŭ błohi, i ludziam treba naviedać samyja jarkija miescy. Adpaviedna, tam vystrojvajucca čerhi. Pierš za ŭsio heta našy zamki — Mir, Niaśviž. Harady — Brest, Hrodna. I ŭsio astatniaje, što znachodzicca ŭ top-liniejcy. Chacia jość šmat inšych cikavych, pryvabnych miescaŭ».

Kamientary da artykuła