U Stolinskim rajonie kiroŭca ŭčyniŭ DTZ i ŭciok ź miesca zdareńnia
U Stolinskim rajonie lehkavik vylecieŭ u kiuviet i pierakuliŭsia na dach, a kiroŭca paśla avaryi ŭciok ź miesca zdareńnia, pakinuŭšy pasažyraŭ, paviedamlaje UUS Bresckaha abłvykankama.
Pavodle papiarednich źviestak DAI, aŭtamabil Rover ruchaŭsia pa darozie N-603 «Vialikaje Malešava — Ramiel — Alšany» ŭ bok vioski Azdamičy. Na pavarocie kiroŭca pieravysiŭ chutkaść, nie spraviŭsia z kiravańniem i źjechaŭ u kiuviet, paśla čaho mašyna pierakuliłasia.
U sałonie mašyny znachodzilisia try pasažyry — 36, 25 i 52 hadoŭ. Ich dastavili ŭ balnicu dla abśledavańnia. Sam kiroŭca pakinuŭ miesca DTZ i ciapier jaho šukajuć supracoŭniki milicyi.
U DAI nahadvajuć, što ŭdzielnik avaryi abaviazany zastavacca na miescy zdareńnia i akazać dapamohu paciarpiełym, bo ŭcioki tolki ŭskładniajuć situacyju i paharšajuć nastupstvy.