U Hrodnie nie źnieśli, a pačali rekanstrukcyju staroha budynka. Voś jak jon budzie vyhladać
Unikalny dvuchpaviarchovy draŭlany dom u rajonie Novy Śviet byŭ pabudavany ŭ 1932 hodzie ŭ styli kanstruktyvizmu sa sklepam i miezaninam. Doŭhi čas jon byŭ žyłym. Raniej u jaho padvale raźmiaščałasia miasnaja krama adnoj z haspadarak Hrodzienskaha rajona, piša «Svaboda».
Budynak na vulicy Mickieviča
Zhodna z prajektam kampanii «VKŁ-prajekt», na pieršym paviersie raźmieścicca viestybiul hatelu, restaran i kaviarnia. Tut ža buduć dapamožnyja pamiaškańni punktaŭ hramadskaha charčavańnia.
Tak budynak budzie vyhladać paśla rekanstrukcyi
Druhi i treci pavierchi zojmuć apartamienty i numary, techničnyja pamiaškańni dla ich absłuhoŭvańnia. U sklepie raźmieściacca dapamožnyja pamiaškańni restarana i kaviarni. Budynak mieścicca na vulicy Mickieviča, 1, nasuprać administracyi Leninskaha rajona.
Novy Śviet — byłoje haradzienskaje pradmieście, što stvarałasia z kanca XIX stahodździa. Pačynajučy z druhoj pałovy 2000-ch, ułady istotna zrujnavali staryja kvartały, zachavaŭšy tolki častku damoŭ.