Ceny na nieruchomaść bjuć rekordy. Navat u samym tannym abłasnym centry kvadrat užo za tysiaču dalaraŭ
Siaredni košt mietra ŭ stalicy praciahvaje raści i dasiahnuŭ $2347, ale daražeje nieruchomaść nie tolki ŭ Minsku.
Viciebsk. Ilustracyjnaje fota: Getty Images / Frans Sellies
Viciebsk dahaniaje inšyja harady
Pavodle danych Realt.by, siaredni košt kvadrata ŭ Viciebsku dasiahnuŭ $1020. I heta samyja vysokija ceny za apošnija dziesiać hadoŭ. Pry hetym pa stanie na pačatak 2022‑ha mietr u hetym abłasnym centry kaštavaŭ kala $620.
Skrynšot: realt.by
Daražej, čym ciapier, mietr u Viciebsku kaštavaŭ tolki ŭ 2013‑2014 — $1030-$1060 pa realnych ździełkach.
Za apošni hod cana za kvadrat u Viciebsku ŭ dalaravym vymiareńni vyrasła amal na čverć.
Što ŭ inšych abłasnych centrach?
Viciebsk tradycyjna źjaŭlajecca samym tannym siarod abłasnych centraŭ.
U Homieli siaredni košt kvadrata ciapier składaje $1071. U Mahilovie — $1080.
U abłasnych centrach na zachadzie krainy ceny tradycyjna vyšejšyja.
U Hrodnie mietr u siarednim kaštuje $1161, a ŭ Breście — $1255.
Atrymlivajecca, što ciapier va ŭsich biez vyklučeńnia abłasnych centrach kvadrat kaštuje bolš za $1000.