Dron, jaki ŭpaŭ učora ŭ Litvie, byŭ asnaščany vybuchoŭkaj
Dron, što ŭpaŭ va Ucianskim rajonie, byŭ abstalavany vybuchovymi rečyvami, ich abiasškodžvańnie projdzie na miescy, paviedamiła ŭ paniadziełak palicyja, piša LRT.
«Supracoŭniki antyterarystyčnaha padraździaleńnia palicyi Aras ŭstanavili, što na miescy, dzie byŭ znojdzieny raźbity dron, znachodziacca vybuchovyja rečyvy. Pryniata rašeńnie pravieści ich abiasškodžvańnie na miescy, pakolki transparciroŭka ŭjaŭlaje pahrozu dla hramadstva», — paviedamili pravaachoŭnyja orhany.
Pavodle analizu abłomkaŭ, litoŭski bok schilajecca da viersii, što heta ŭkrainski dron. Ź jakoj mienavita krainy jon zalacieŭ u Litvu, pakul dakładna nie vyznačana.