Malta kupiła dostup da ChatGPT dla ŭsich žycharoŭ krainy
Malta — pieršaja kraina, jakaja zapuściła partniorstva takoha maštabu.
Urad Malty zaklučyŭ pahadnieńnie z amierykanskaj kampanijaj OpenAI, pavodle jakoha ŭsie žychary krainy atrymajuć biaspłatny dostup da servisu ChatGPT, piša Reuters.
«Malta — pieršaja kraina, jakaja zapuściła partniorstva takoha maštabu, bo my nie dazvalajem našym hramadzianam adstavać u ličbavuju epochu. My stavim našych ludziej u avanhard hłabalnych źmien», — prakamientavaŭ ździełku ministr ekanomiki, pradprymalnictva i stratehičnych prajektaŭ krainy Silvia Šembry.
Jon dadaŭ, što takim čynam ułady Malta źbirajucca pieratvaryć «niazvykłuju kancepcyju ŭ praktyčnuju dapamohu» dla hramadzian.
Pieršy etap prahramy pad nazvaj «Štučny intelekt dla ŭsich» startuje ŭžo ŭ mai. Kuryravać dostup da biaspłatnych padpisak budzie Upraŭleńnie ličbavych inavacyj Malty.
Kab atrymać mahčymaść ciaham hoda biaspłatna karystacca pašyranaj viersijaj ChatGPT Plus, treba budzie padać zajaŭku i prajści śpiecyjalny anłajn-kurs AI for All, raspracavany Univiersitet Malty.
Prahrama taksama budzie dastupnaja dla hramadzian krainy, jakija pražyvajuć za miažoj. Finansavyja detali pahadnieńnia OpenAI nie raskryła.