U Mahilovie hareła psichijatryčnaja balnica
U Mahilovie adbyŭsia pažar u budynku abłasnoha centra psichijatryi i narkałohii, jaki znachodzicca na vulicy Nižniaja Karabanaŭskaja. Na momant zdareńnia budynak byŭ na rekanstrukcyi, paviedamlaje pres-słužba MNS.
Skrynšot ź videa
Kali ratavalniki prybyli na miesca, jany ŭbačyli dym, jaki išoŭ z druhoha paviercha. Vyśvietliłasia, što ŭzharańnie adbyłosia ŭ adnym z pamiaškańniaŭ. Pažar udałosia chutka likvidavać.
Paviedamlajecca, što ŭ budynku na toj momant nie było ludziej, tamu nichto nie paciarpieŭ.
Na miescy pracavała niekalki adzinak techniki MNS. Pryčyny pažaru ciapier vyśviatlajucca.