Hramadzianina Burundzi aryštavali na miesiac za kradziež kašalka
Burundzijec, jaki pracavaŭ prybiralščykam u čyhunačnych vahonach, u listapadzie na stancyi «Minsk-Pasažyrski» skraŭ kašalok z hrašyma na 1265 rubloŭ.
Mužčyna prosta ŭziaŭ jaho z pasažyrskaha siadzieńnia. Padčas śledstva škoda była całkam kampiensavanaja, a na majomaść abvinavačanaha nakłali aryšt. Sam jon znachodziŭsia pad vartaj, piša «Minskaja praŭda».
Sud Kastryčnickaha rajona Minska pryznaŭ 27‑hadovaha mužčynu vinavatym pavodle č. 1 art. 205 Kryminalnaha kodeksa (kradziež) i prysudziŭ jaho da aryštu na adzin miesiac.
Jak adznačyli śledčyja, pryčynaj złačynstva stała nieaściarožnaść samoha paciarpiełaha: jon pakinuŭ kašalok biez nahladu na pasažyrskim siadzieńni, čym i skarystaŭsia prybiralščyk.