Vilenski biełaruski muziej imia I. Łuckieviča zaprašaje na «Noč muziejaŭ»
Sioletniaje śviatkavańnie pryśviečana 25‑hodździu zasnavańnia muzieja.
Vilenski biełaruski muziej imia I. Łuckieviča 23 traŭnia zaprašaje ŭsich na imprezy z nahody «Nočy muziejaŭ».
A 12‑j i da zakryćcia mierapryjemstva na padvorku pracuje Kirmaš majstroŭ. Možna prydbać aŭtentyčnyja vyraby ad branzaletaŭ z arnamientam i chustak z nabivankaj da śvitšotaŭ, a taksama pačastavacca tortami i sałodkimi desiertami.
U biblijatečnaj zali z 15:00 budzie prachodzić akcyja «Kapsuła času», dzie možna budzie pakinuć dla siabie paviedamleńnie na budučyniu.
A 17:00 adbudziecca łatareja prac biełaruskich mastakoŭ. Možna vyjhrać 1 z 10 prac za danat u 5 jeŭra. Padčas aŭkcyjonu zapłanavana nievialikaja kancertnaja prahrama.
A 18‑j u bujnoj zali muzieja adkryvajecca vystava Małhažaty Dmitruk «Linija pierachodu».
Bolej padrabiaznyja źviestki pa prahramie buduć publikavacca ŭ sacyjalnych sietkach Vilenskaha biełaruskaha muzieja imia I. Łuckieviča i Biełaruskaha Doma ŭ Vilni.