Mužčyna ŭ Stolinskim rajonie pamior, pamyłkova vypiŭšy piestycyd
Jon dumaŭ, što heta biarozavy sok.
58‑hadovy minčuk akazvaŭ dapamohu fiermieru pa haspadarcy. Na praciahu dnia rabotnik zajmaŭsia pryborkaj terytoryi.
Uviečary fiermier źviarnuŭ uvahu, što minčuk siadzić, apuściŭšy hałavu. Padyšoŭšy da jaho, mužčyna patłumačyŭ, što vypiŭ z butelki prazrystuju vadkaść, dumajučy, što heta biarozavy sok.
Praź imhnieńnie rabotnik straciŭ prytomnaść. Fiermier nieadkładna dastaviŭ mužčynu ŭ balnicu, adnak miedyki kanstatavali śmierć.
Była pryznačana sudova-miedycynskaja ekśpiertyza.
Pavodle zaklučeńnia ekśpierta, pryčynaj śmierci stała vostraje atručvańnie izadekanołam — rečyvam, jakoje šyroka vykarystoŭvajecca ŭ sielskaj haspadarcy jak dapamožny kampanient u składzie srodkaŭ abarony raślin i ŭhnajeńniaŭ.