Syn Kałaŭra kinuŭ chlebnuju pracu i ŭznačalić pieršy biełaruski kryptabank
Uładzimir Kałaŭr, pradstaŭnik znakamitaj biełaruskaj bankaŭskaj dynastyi, syšoŭ z pazicyi dyrektara pa raźvićci Alfa-Banka, kab «budavać boinh».
Syn Paŭła Kałaŭra, da minułaha tydnia apieracyjny dyrektar Alfa-Banka (pracavaŭ tam u 2022‑2026 hadach), raskazaŭ na svajoj staroncy ŭ Linkedin pra svoj apošni pracoŭny dzień u raniejšaj kampanii.
«Pryjšoŭ čas ruchacca dalej. Dałučajusia da vialikaha i ambicyjnaha prajekta pa stvareńni pieršaha kryptabanka ŭ Biełarusi», — napisaŭ Kałaŭr.
Uładzimir Kałaŭr. Fota: Linkedin.
U apisańni jaho profila dadałasia paznaka «SIEO» (hienieralny dyrektar) u kampanii WhiteFinance. Jak možna zrazumieć, havorka idzie pra prajekt kryptabiržy WhiteBird, jakaja raniej užo zajaŭlała pra svaje płany stać pieršym biełaruskim kryptabankam.
Uładzimir Kałaŭr zaklikaje raić jamu prafiesijanałaŭ u śfiery kryptabankinha, jakija mahli b dałučycca da kamandy i dapamahčy «pabudavać boinh».
Pra mahčymaści źjaŭleńnia ŭ Biełarusi kryptabankaŭ havaryli daŭno, a pravavaja baza dla hetaha źjaviłasia napačatku 2026-ha.
Kryptabanki buduć apieravać i krypta– i fijatnymi valutami. Siarod mahčymych pasłuh — vydača kredytaŭ pad zabieśpiačeńnie kryptavaluty, vypusk kryptakart, dazvoł zachoŭvajuć srodki pradpryjemstvaŭ u kryptavalutach i inšaje.
Aficyjna padkreślivajecca, što taki libieralny padychod zaćviardžaje Biełaruś jak suśvietnaha lidara śfiery. Ale ŭ realnaści raźvićcio kryptaśfiery adbyvajecca vymušana i pad ciskam sankcyj, nakładzienych na centralnyja tradycyjnyja biełaruskija banki.
Pa fakcie, siońnia biełaruskija kryptapłatformy vykarystoŭvajucca roznaha rodu biznesam pieradusim dla apłaty sankcyjonnych tavaraŭ kryptavalutaj, a taksama dla adkryćcia rachunkaŭ nierezidentam i kanviertacyii rubla ŭ kryptavalutu i nazad.
U 2024 hodzie ŭ kryptabiržy WhiteBird źmianilisia ŭłaśniki, i ciapier jaje, u bankaŭskich kołach, źviazvajuć z proźviščam adnaho z daŭnich ludziej pry Łukašenku.
Tym časam baćka Uładzimira, były staršynia Nacbanka Pavieł Kałaŭr, jak ličycca, ciapier pracuje finansavym daradcam u cieniavoha varaciły Łukašenki Mikałaja Vierabja.