U Baranavičach ušanavali pamiać lotčykaŭ-hierojaŭ Andreja Ničyporčyka i Mikity Kukanienki
U Baranavičach 19 maja adbyŭsia mitynh u pamiać pra lotčykaŭ Andreja Ničyporčyka i Mikitu Kukanienku, piša BiełTA.
Padčas vučebna-trenirovačnaha palotu piać hadoŭ tamu, 19 maja 2021 hoda, vajskovy samalot Jak-130 Lidskaj šturmavoj avijabazy paciarpieŭ krušeńnie. Kali jon pralataŭ nad Baranavičami, u sudna admoviła kiravańnie — samalot padaŭ prosta na žyły rajon.
Pavodle instrukcyi ekipaž pavinien byŭ katapultavacca, ale piłoty pryniali inšaje rašeńnie. Hvardyi major Andrej Ničyporčyk i hvardyi lejtenant Mikita Kukanienka da apošniaj siekundy ŭtrymlivali šturvał, advodziačy samalot ad damoŭ. Andreju Ničyporčyku było 33 hady, Mikitu Kukanienku — usiaho 22.
U mierapryjemstvie siońnia ŭziali ŭdzieł rodnyja i blizkija Andreja Ničyporčyka, lotny skład 116‑j hvardziejskaj šturmavoj avijacyjnaj bazy i 61‑j źniščalnaj avijacyjnaj bazy, a taksama žychary Baranavičaŭ.
«Z adnaho boku, čas niaŭmolna chutka idzie. Z druhoha boku, 19 maja 2021 hoda čas nibyta spyniŭsia dla nas — rodnych, blizkich, tych, chto viedaŭ dvuch maładych, enierhičnych, aptymistyčna nastrojenych chłopcaŭ. Vialiki dziakuj usim za pamiać», — skazaŭ baćka Andreja Ničyporčyka Uładzimir Ničyporčyk.