Litva pieradała ŭ Mižnarodnuju arhanizacyju cyvilnaj avijacyi dadatkovyja dokazy praviadzieńnia Biełaruśsiu hibrydnych atak

Litva pieradała ŭ Mižnarodnuju arhanizacyju cyvilnaj avijacyi (ICAO) dadatkovyja materyjały, jakija, pavodle jaje śćviardžeńnia, dakazvajuć pahrozu dla takoj avijacyi z boku Biełarusi. Havorka idzie pra hibrydnyja ataki, jakija ažyćciaŭlajucca ź biełaruskaj terytoryi.

Adzin z kantrabandnych šaroŭ, zapuščanych z terytoryi Biełarusi. Fota: Dziaržaŭnaja pamiežnaja słužba Litvy

Ministerstva transpartu Litvy paviedamiła, što jašče ŭ kastryčniku 2025 hoda źviarnułasia ŭ ICAO i Jeŭrakamisiju, kali pačalisia takija incydenty. Ciapier ža byli pradstaŭlenyja novyja dokazy, jakija pavinny paćvierdzić niezakonnyja dziejańni.

Pavodle infarmacyi litoŭskaha boku, z terytoryi Biełarusi zapuskajucca pavietranyja šary (bieśpiłotniki), jakija rehularna parušajuć pavietranuju prastoru Litvy i mohuć stvarać niebiaśpieku dla samalotaŭ i pasažyraŭ. Z kastryčnika 2025 hoda padobnyja vypadki adbyvalisia nie mienš jak 20 razoŭ i navat pryvodzili da časovaha zakryćcia vilenskaha aeraporta.

Premjer-ministarka Litvy Inha Ruhinienie raniej taksama paćvierdziła, što kraina aficyjna źviarnułasia ŭ ICAO z sabranymi dokazami.

Ministr transpartu Litvy Juras Taminskas adznačyŭ, što jość prykmiety taho, što Biełaruś mohuć pryznać adkaznaj za hetyja dziejańni. Jon padkreśliŭ, što takoje rašeńnie stała b surjoznym palityčnym udaram i mahło b pryvieści da novych sankcyj.

U ICAO raniej zajaŭlali, što dla razhladu takich spraŭ patrebny kankretnyja dokazy — mienavita ich, vierahodna, ciapier i pieradała Litva.

Kamientary da artykuła