Pavietranaja prastora nad Vilniaj časova zakrytaja siońnia nočču z 22:30 9 krasavika, paviedamili u fejsbuku aeraporta stalicy Litvy.
Spačatku paviedamlałasia, što abmiežavańni buduć dziejničać da 1:30 10 krasavika, paśla hety termin byŭ padoŭžany da 3:30.
Pryčynaj nazyvajecca čarhovaja hibrydnaja ataka z boku Biełarusi. U zonach palotaŭ cyvilnaj avijacyi znoŭ zafiksavanyja pavietranyja šary z kantrabandaj.
Ź mierkavańniaŭ biaśpieki načnyja rejsy zatrymlivajucca, pieranakiroŭvajucca abo admianiajucca.
2 krasavika prezident Litvy Hitanas Naŭsieda, adkazvajučy na pytańnie na pytańnie adnosna pierśpiektyŭ dyjałohu z łukašenkaŭskaj Biełaruśsiu, skazaŭ:
«Kali ŭ bližejšyja niekalki tydniaŭ, na praciahu čatyroch tydniaŭ, nie budzie šaroŭ, nie budzie nielehalnych mihrantaŭ, usie fury paśpiachova viernucca ŭ Litvu, i sapraŭdy buduć prademanstravany namahańni režymu pa narmalizacyi adnosin, prynamsi biez stvareńnia napružanaści dla svajho susieda, my rascenim heta jak znak dobraj voli i, mahčyma, pačniom taki dyjałoh, ale dla hetaha pavinny być vielmi vyraznyja ŭmovy, a tyja, što isnujuć na dadzieny momant, vielmi dalokija ad tych, jakija možna było b ujavić dla pačatku dyjałohu».
Naŭsieda: Kali ŭ bližejšyja niekalki tydniaŭ nie budzie šaroŭ, nie budzie nielehalnych mihrantaŭ, mahčyma, pačniem dyjałoh ź Biełaruśsiu
MZS Biełarusi «pakul nie bačyć hatoŭnaści litoŭskaha boku da surjoznaj razmovy»
Ruhinienie: Dla pieramoŭ ź Biełaruśsiu ŭžo navat pryznačany čałaviek
Naŭsieda: Dyjałoh ź Minskam mahčymy, tolki kali Biełaruś prajavić susiedskuju dobruju volu
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary