Vialikabrytanija dazvoliła impart dyzielnaha i avijacyjnaha paliva z rasijskaj nafty
Vialikabrytanija pryniała rašeńnie dazvolić impart asobnych vidaŭ paliva, vyrablenaha z rasijskaj nafty ŭ trecich krainach, i hety dazvoł vydadzieny biez akreślenaha terminu.
Fota: magnific.com
Havorka idzie pra dyzielnaje paliva i avijacyjnuju hazu. Licenzija pačynaje dziejničać z 20 maja 2026 hoda i moža pieryjadyčna pierahladacca ŭładami. Pry hetym ministr unutranych spraŭ maje prava ŭ luby momant źmianić abo skasavać dazvoł, choć farmalna płanujecca papiaredžvać pra heta zahadzia.
Takoje rašeńnie tłumačycca składanaj situacyjaj na suśvietnym enierhietyčnym rynku z-za kanfliktu vakoł Irana i błakavańnia Armuzskaha praliva — adnaho z klučavych maršrutaŭ pastavak nafty. U vyniku ceny na paliva rezka vyraśli, a avijakampanii pačali skaračać rejsy.
Taksama adznačajecca, što, pavodle acenak ekśpiertaŭ, zapasy avijacyjnaha paliva ŭ Jeŭropie abmiežavanyja, što stvaraje dadatkovyja ryzyki dla transpartu i ekanomiki.
Raniej Vialikabrytanija paśladoŭna ŭvodziła abmiežavańni na rasijskuju naftu i naftapradukty: u 2022 hodzie byŭ zabaronieny ich impart, paźniej abmiežavańni pašyryli i na pradukcyju, zroblenuju z rasijskaj nafty ŭ inšych krainach. Ciapierašniaje rašeńnie faktyčna źmiakčaje hetyja miery z ulikam nadzvyčajnych abstavin na enierhietyčnym rynku.
Čytajcie taksama:
Udary USU pa NPZ paškodzili 23% naftapierapracoŭčych mahutnaściaŭ Rasii
ZŠA znoŭ padoŭžyli źmiakčeńnie sankcyj suprać rasijskaj nafty
Da novaha sankcyjnaha pakieta Jeŭrasajuza suprać Rasii i Biełarusi dałučylisia jašče 8 krain