Si Czińpin na sustrečy z Pucinym zajaviŭ pra nieabchodnaść zaviaršeńnia vajny ŭ Iranie
Bajavyja dziejańni na Blizkim Uschodzie nieabchodna spynić, zajaviŭ staršynia KNR Si Czińpin padčas pieramovaŭ z rasijskim prezidentam Uładzimiram Pucinym u Piekinie, nahadaŭšy pra asablivaje značeńnie pieramovaŭ dla dasiahnieńnia miru, piša Reuters.com.
Fota: Sergei Bobylev, Sputnik, Kremlin Pool Photo via AP
Spynieńnie vajny dapamoža źmienšyć pahrozu stabilnaści suśvietnych pastavak enierharesursaŭ i mižnarodnaha handlu, skazaŭ Si.
Na minułym tydni kitajski lidar prymaŭ u Piekinie Donalda Trampa. ZŠA pačali kanflikt u Iranie 28 lutaha, patrabujučy ad Tehierana admovicca ad jadziernaj prahramy.
Sproby prymusić Iran pryniać umovy Vašynhtona nie dali vyniku, pry hetym błakada Armuzskaha praliva, važnaha kanała ekspartu nafty i ZPH ź Piersidskaha zaliva, spravakavała ŭ śviecie surjozny enierhietyčny kryzis, upłyŭ jakoha adčuŭ i Kitaj.
Na hetym fonie z rasijskaj nafty i hazu byli častkova źniaty sankcyi ZŠA. Pavieličeńnie pastavak rasijskaha hazu ŭ Kitaj pavinna stać adnym z najvažniejšych pytańniaŭ vizitu Pucina ŭ Piekin, piša Bi-bi-si.