Litva zakryła pavietranuju prastoru nad Vilenskim aeraportam
Pavietranuju prastoru ŭ Vilni zakryli z 10:00.
«Z 10:00 pavietranuju prastoru nad Vilenskim aeraportam i jaho vakolicami zakryvajuć da asobnaha rasparadžeńnia», — paviedamlaje Nacyjanalny centr kiravańnia kryzisami.
Takoje rašeńnie było pryniata, bo ŭ sieradu kala litoŭskaj miažy byŭ zafiksavany radyjołakacyjny sihnał z charaktarystykami, typovymi dla bieśpiłotnych latalnych aparataŭ.
Nacyjanalny centr kiravańnia kryzisami paviedamiŭ, što abvieščana pavietranaja niebiaśpieka dla žycharoŭ Ihnalinskaha, Ucianskaha, Śviancianskaha i Zarasajskaha rajonaŭ.
Kala 10‑j hadziny ranicy la litoŭska-biełaruskaj miažy byŭ zaŭvažany mierkavany dron. Žycharam Vilni było razasłana paviedamleńnie ab niebiaśpiecy, u Ihnalinskim rajonie dziaciej adviali va ŭkryćci.