U stalicy Litvy abviaščali pavietranuju tryvohu
U Ihnalinskim, Ucianskim, Śviancianskim, Jeziaroskim rajonach i ŭ Vilni abviaščłasia pavietranaja tryvoha z-za mierkavanaha drona, zaŭvažanaha ŭ Biełarusi kala litoŭskaj miažy.
«Pryčyna — na terytoryi Biełarusi pablizu miažy Litvy ŭ ciapierašni čas nazirajecca radyjołakacyjnaja adznaka z prykmietami, charakternymi dla bieśpiłotnych latalnych aparataŭ. Ź litoŭskaha boku byli zadziejničany źniščalniki, jakija vykonvajuć misiju pavietranaj palicyi NATA», — paviedamlaje armija Litvy.
Žychary hetych rajonaŭ atrymali na telefony paviedamleńni pra pavietranuju pahrozu. Im rekamiendavali pierajści ŭ schovišča ci trymacca dalej ad akon.
Była zakrytaja pavietranaja prastora nad Vilniaj, spyniŭsia hramadski transpart. U schoviščy pieramiaściłasia i kiraŭnictva krainy.
Prykładna praz paŭhadziny žychary atrymali paviedamleńnie «Adboj pavietranaj tryvohi».
Heta była pieršaja pavietranaja tryvoha ŭ stalicy jeŭrapiejskaj dziaržavy za apošnija dziesiacihodździ.