«Kava z historykam» pačynaje novy siezon razmovaj pra manarchiju, impieryju i kałonii

24 traŭnia a 15:00 u Muziei Volnaj Biełarusi ŭ Varšavie (Foksal 11) projdzie kruhły stoł «Ułada nad ludźmi i prastoraj. Manarchija, impieryja i kałonii ŭ Novy čas».

U sustrečy voźmuć udzieł Alaksandr Fiaduta, Jaŭhien Krasulin, Viktar Jakubaŭ i Ihar Bortnik. Razmova budzie pryśviečanaja tamu, jak u Novy čas razumielisia suvierenitet manarcha i naroda, jak budavalisia i pracavali zamorskija kałanijalnyja impieryi Jeŭropy ŭ Novym śviecie, a taksama jak vyhladała kałanijalnaja ekspansija narodaŭ VKŁ u Prusii, Livonii, Ukrainie i Rasiei.

Asobna ŭdzielniki abmiarkujuć administratyŭnuju i kulturnuju palityku Rasijskaj impieryi na biełaruskich ziemlach, a taksama toje, jak i čamu ŭ pieršaj pałovie XIX stahodździa adbyvalisia pałanizacyja i rusifikacyja.

Tranślacyja i zapis sustrečy buduć na YouTube-kanale.

U novym siezonie zapłanavanyja try sustrečy: pačynajecca ŭsio z kałanijalizmu, dalej — pamiać i zakon.

Kamientary da artykuła