Zialenski daručyŭ MZS padrychtavać dadatkovyja miery dypłamatyčnaha ŭpłyvu ŭ dačynieńni Biełarusi
Prezident Ukrainy paviedamiŭ u svaim telehram-kanale ab praviadzieńni Staŭki, na jakoj była praanalizavana aktualnaja abstanoŭka.
Fota Sean Gallup / Getty Images
«Padrabiazna praanalizavali najaŭnyja danyja našych raźviedak pra rasijskaje płanavańnie nastupalnych apieracyj na čarnihaŭska-kijeŭskim napramku. Pa kožnym mahčymym varyjancie dziejańniaŭ voraha rychtujem adkazy, kali rasijanie sapraŭdy navažacca pašyryć svaju ahresiju. Našy siły na hetym napramku buduć pavialičanyja», — napisaŭ jon.
Zialenski taksama paviedamiŭ pra pierahlad źniešniaj aktyŭnaści.
«Daručyŭ MZS Ukrainy padrychtavać dadatkovyja miery dypłamatyčnaha ŭpłyvu ŭ dačynieńni da Biełarusi, jakaja moža być vykarystana Rasijaj dla takoha pašyreńnia vajny. Adpaviednyja niepubličnyja zadačy jość i dla ŭkrainskich raźviedvalnych słužbaŭ», — paviedamiŭ prezident Ukrainy.