U Dobrušskim rajonie mały chłopčyk upaŭ pad koły motabłoka
U ahraharadku Karma Dobrušskaha rajona čatyrochhadovy chłopčyk atrymaŭ traŭmy paśla taho, jak trapiŭ pad koły motabłoka, paviedamlaje Śledčy kamitet.
Pavodle papiaredniaj infarmacyi, miascovy žychar jechaŭ na motabłoku z pryčepam na fiermu i pa darozie sustreŭsia ź plamieńnikam i jaho babulaj. Mužčyna prapanavaŭ chłopčyku pakatacca.
Kali jany viartalisia nazad i źjazdžali ź nievialikaha ŭzvyšša, nahružany motabłok straciŭ ustojlivaść i pierakuliŭsia. U hety momant kiroŭca zaŭvažyŭ, što dziciaci pobač niama. Vyśvietliłasia, što niezadoŭha da hetaha chłopčyk upaŭ i apynuŭsia pad kołami.
Dzicia z traŭmami dastaŭlena ŭ balnicu. Ciapier śledčyja vyśviatlajuć usie abstaviny zdareńnia.