70‑hodździe biełarusistyki ŭ Polščy adznačyli admysłovaj manahrafijaj
Manahrafija Radasłava Kalety «Maja biełarusistyka. Z polska-biełaruskich linhvistyčnych i hłotadydaktyčnych daśledavańniaŭ» była padrychtavanaja da druku z nahody 70‑hodździa biełarusistyki ŭ Varšaŭskim univiersitecie. Kniha źmiaščaje artykuły roznych hadoŭ, napisanyja pa-polsku i pa-biełarusku, piša Bellit.info.
Teksty Radasłava Kalety byli adabranyja dla publikacyi z roznych halin, takich jak: biełaruski pravapis, mižmoŭnaja amanimija, tranślitaracyja i transkrypcyja biełaruskaha ałfavita, biblijahrafičnyja bazy danych, staŭleńnie da biełaruskaj movy, movaznaŭčyja biełarusistyčnyja bijahrafii (jakija datyčać navukoŭcaŭ, važnych dla polskaj biełarusistyki), polska-biełaruskija moŭnyja kantakty i biełarusistyčnaja hłotadydaktyka.
Manahrafija źjaŭlajecca svojeasablivym navukovym dziońnikam, śviedčańniem indyvidualnych dasiahnieńniaŭ, jakija źjaŭlajucca častkaj šmathadovaj i raznastajnaj spadčyny kafiedry biełarusistyki. Kniha taksama moža słužyć natchnieńniem dla ŭłasnych daśledčych pošukaŭ u adpaviednaści z etykaj, jakuju papularyzavała zasnavalnica polskaj biełarusistyki — prafiesarka Antanina Abrembska-Jabłońska.
Knihu možna spampavać u PDF-farmacie z sajta kafiedry biełarusistyki Varšaŭskaha ŭniviersiteta.
Čytajcie taksama:
U Minsku vydali knihu pra Jeŭfrasińniu Połackuju dla nieviduščych dziaciej
U Vilni projdzie prezientacyja knihi Alaksandra Łukašuka
Na knižnym kirmašy ŭ Varšavie prezientujuć knihu pra Babaryku