Ukraincy nanieśli ŭdar pa rasijskaj škole padrychtoŭki apierataraŭ BPŁA. Zahinuŭ i kiraŭnik škoły
Ukrainskija Siły bieśpiłotnych sistem zajavili pra ŭdar razam z SBU pa navučalnym abjekcie ŭ horadzie Śniežnaje Danieckaj vobłaści, dzie rychtavalisia rasijskija apieratary bieśpiłotnikaŭ i rabilisia detali dla BPŁA.
Pavodle paviedamleńnia, u vyniku ataki byli źniščanyja vytvorčyja i ramontnyja pamiaškańni, dzie taksama znachodzilisia niekalki bronieaŭtamabilaŭ «Tyhr», jakija byli pryviezienyja na ramont. Technika nibyta całkam źniščanaja.
Taksama śćviardžajecca, što zahinuŭ kiraŭnik škoły padrychtoŭki — padpałkoŭnik z pazyŭnym «Bury», a ahulnyja niezvarotnyja straty asabovaha składu skłali nie mienš za 65 čałaviek.
Akramia hetaha, paviedamlajecca pra źniščeńnie bojeprypasaŭ i kamplektujučych dla vytvorčaści bieśpiłotnych sistem.
Ukrainski bok zajaŭlaje, što ŭdar pa takich abjektach źnižaje mahčymaści praciŭnika pa padrychtoŭcy ekipažaŭ BPŁA, ramoncie techniki i zabieśpiačeńni padraździaleńniaŭ.
Čytajcie taksama:
Paśla ataki dronaŭ haryć naftapierapracoŭčy zavod «Łukojł» u Nižaharodskaj vobłaści
Ukraina adkryła darohu svaim dronam dla ŭdaraŭ pa Rasii, źniščyŭšy pryfrantavuju SPA
Hienštab USU raskazaŭ, čym atakavaŭ Maskoŭskuju vobłaść. Heta drony ŭkrainskaj raspracoŭki