Na Noč muziejaŭ u połackaj Safii prajšoŭ viečar elektronnaj muzyki
Mižnarodnaja akcyja «Noč muziejaŭ» padaryła žycharam i haściam Połacka šmat emocyj i adkryćciaŭ. Jak zaŭsiody, vialikuju kolkaść hledačoŭ pryvabiŭ viačerni kancert u Safijskim sabory. Hetym razam naviedvalnikam prapanavali ŭnikalny pierformans — viečar elektronnaj muzyki «Adcieńni viečnaści», paviedamlaje Gorod214.by.
Aŭtar prajekta — pałačanin Arsienij Sadykaŭ, cudoŭny pijanist, łaŭreat prestyžnych mižnarodnych konkursaŭ, syn talenavitych połackich muzykaŭ Ksienii Paharełaj i Raila Sadykava.
Pijanist-virtuoz padaryŭ pałačanam niezabyŭnyja emocyi, złučyŭšy hučańnie žyvoha fartepijana z sučasnymi kirunkami elektronnaj muzyki neoclassical, melodic ambient minimal i techno. Viačerni paŭzmrok stvaryŭ asablivuju atmaśfieru, dadaŭšy padziei tajamničaści i mahnietyzmu.
«Nievierahodna, uražvaje, až da murašak!», — takimi vodhukami dzialilisia słuchačy, i zyčyli svajmu ziemlaku novych tvorčych pośpiechaŭ.
Čytajcie taksama:
Nacyjanalny mastacki muziej nabyŭ słucki pojas daŭžynioj bolš za čatyry mietry
Hałoŭny korpus Nacyjanalnaha mastackaha muzieja Biełarusi płanujuć zakryć na rekanstrukcyju
Na budynku novaha Nacyjanalnaha histaryčnaha muzieja źjavilisia hareljefy. Što na ich?