Rabotnica abmieńnika prajhrała ŭ anłajn-kazino 500 tysiač bankaŭskich rubloŭ
Historyja razharnułasia ŭ Babrujsku.
Ilustracyjnaje fota
U śniežni 2023 hoda šmatdzietnaja maci ad syna daviedałasia pra imhniennuju internet-łatareju i vyrašyła pasprabavać udaču. Žančyna prajhrała ŭłasnyja hrošy, ale nie spyniłasia.
Pracujučy ŭ abmieńniku adnaho z bankaŭ jana padkładvała ŭ pački z hrašovymi srodkami frahmienty papiery i kardonu, a sapraŭdnyja kupiury krała.
Ź śniežnia 2023‑ha da studzienia 2026 hoda babrujčanka vykrała i prajhrała bolš za 520 tysiač rubloŭ.
Žančynie vystavili abvinavačańnie ŭ prysvajeńni majomaści ŭ asabliva bujnym pamiery. Ekśpiert pryjšoŭ da vysnovy, što abvinavačanaja maje psichičny razład u formie patałahičnaj schilnaści da azartnych hulniaŭ.
U sudovym pasiadžeńni žančyna poŭnaściu pryznała vinu i raskajałasia. Sud pryznačyŭ joj pakarańnie — piać hadoŭ u papraŭčaj kałonii va ŭmovach ahulnaha režymu, štraf 200 bazavych vieličyń (9 tysiač rubloŭ), a taksama pazbaŭleńnie prava zajmać pasady, źviazanyja z ulikam, zachoŭvańniem i rasparadžeńniem materyjalnymi kaštoŭnaściami, terminam na 5 hadoŭ.