Na adnym ź minskich pradpryjemstvaŭ zahinuŭ rabočy

Pa infarmacyi Śledčaha kamiteta, pryčynaj trahiedyi stała słužbovaja chałatnaść i parušeńni techniki biaśpieki.

Fota: Śledčy kamitet

Paviedamlajecca, što 36‑hadovy mužčyna vykonvaŭ budaŭničyja raboty: stajaŭ na padmostkach i tynkavaŭ panel dla karkasnaha domabudavańnia. Hetaja panel była prosta prychilenaja da stalarnaha stała i nie była naležnym čynam zamacavanaja. U niejki momant kanstrukcyja vahoj bolš za dźvie tony ŭpała i prycisnuła rabočaha. Ad atrymanych traŭmaŭ jon zahinuŭ na miescy.

Śledstva vyśvietliła, što na pradpryjemstvie byli surjoznyja parušeńni. 48‑hadovaja dyrektarka i jaje 49‑hadovy namieśnik nienaležnym čynam vykonvali svaje abaviazki i nie harantavali biaśpiečnyja ŭmovy pracy. U pryvatnaści:

• nie było naležnaj padrychtoŭki vytvorčaha pracesu;
• nie kantralavałasia zamacavańnie ciažkich kanstrukcyj;
• stalarny stoł vykarystoŭvaŭsia nie pa pryznačeńni;
• rabotniku nie vydali srodki indyvidualnaj abarony.

Akramia taho, zahinuły nie prachodziŭ nieabchodnaje navučańnie, stažyroŭku i instruktaž pa achovie pracy i nie mieŭ adpaviednaj kvalifikacyi, ale jaho ŭsio roŭna dapuścili da vykanańnia rabot.

Usio heta ŭ sukupnaści i pryviało da trahičnaha vypadku.

Kamientary da artykuła