Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie
Pres-słužba MUS paviedamiła pra pachavańnie staršaha inśpiektara DPS śpiecuzvoda DAI UUS Minskaha abłvykankama majora milicyi Piatra Masałbasava. Heta toj samy supracoŭnik DAI, jakoha 14 maja kala vioski Jakubovičy Minskaha rajona, na 10‑m kiłamietry aŭtadarohi R-58 źbiŭ 74‑hadovy kiroŭca.
Paviedamlajecca, što Masałbasaŭ pamior u balnicy ad traŭmaŭ. Raźvitańnie ź im prajšło ŭ Śviata-Jelisaviecinskim žanočym manastyry.
Na pachavańni prysutničaŭ ministr unutranych spraŭ Ivan Kubrakoŭ, a taksama namieśniki ministra, načalniki Minskaha HUUS i abłasnych UUS, kiraŭnictva, asabovy skład i vieterany DAI.
Pavodle aficyjnych źviestak, Piatro Masałbasaŭ naradziŭsia ŭ 1986 hodzie ŭ vioscy Cichiničy Rahačoŭskaha rajona. Značnuju častku žyćcia jon pryśviaciŭ słužbie ŭ DAI, pracujučy na darohach Homielskaj i Minskaj abłaściej. U jaho zastalisia dvoje niepaŭnaletnich synoŭ.
Čytajcie taksama:
U Minskaj vobłaści piensijanier źbiŭ supracoŭnika DAI
Pjanaha kiroŭcu pad Baranavičami spyniali sa stralboj
«Jaŭnym chulihanam na darozie nie miesca!» Kubrakoŭ apałčyŭsia na matacyklistaŭ