Kala vioski Janava ŭ Baranavickim rajonie inśpiektary DAI padali sihnał ab spynieńni aŭtamabila Volvo, ale kiroŭca jaho praihnaravaŭ i pasprabavaŭ uciačy. Paśla taho pačałasia pahonia, piša pres-słužba MUS.
Za rulom akazaŭsia 39‑hadovy žychar Minskaj vobłaści z prykmietami ałkaholnaha apjanieńnia. Jon užo byŭ pazbaŭleny pravoŭ na kiravańnie i nieadnarazova pryciahvaŭsia da adkaznaści, u tym liku kryminalnaj, za pjanaje kiravańnie.
Parušalnik nie reahavaŭ na patrabavańni milicyi i svaimi dziejańniami stvaraŭ niebiaśpieku dla inšych udzielnikaŭ darožnaha ruchu, tamu ŭ vyniku było pryniata rašeńnie dla jaho zatrymańnia vykarystać tabielnuju zbroju.
Pavodle materyjałaŭ miedycynskaha ahladu, uzrovień ałkaholu ŭ kryvi kiroŭcy pieravyšaŭ adzin pramile. Jamu pahražaje štraf u pamiery 200 bazavych vieličyń.
U sałonie taksama znachodziŭsia ŭładalnik aŭtamabila. Jaho pryciahnuli da adkaznaści za pieradaču kiravańnia niećviarozamu čałavieku — jamu pahražaje štraf i pazbaŭleńnie pravoŭ na try hady.
Abodvuch mužčyn źmiaścili ŭ izalatar, a aŭtamabil adpravili na stajanku pad achovaj.
-
Biełaruski źniavoleny mała taho, što stres hrošy z Rasii za ŭmovy ŭtrymańnia ŭ SIZA, dyk jašče i vybiŭ kampiensacyju za doŭhaje čakańnie tych hrošaj
-
U centry Minska matacyklist žorstka ŭrezaŭsia ŭ aŭto — ažno pieralacieŭ mašynu VIDEA
-
U Miunchienie biełarus, ukrainiec i niemiec u maskach i sa zbrojaj abrabavali minaka. Užo praz vosiem chvilin ich aryštavali
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary